Tramp Putinin Çinə səfərini şərh edib

Bölmə: Siyasət › ,
Tarix: 21:21 17.05.2024

ABŞ-ın keçmiş prezidenti Donald Tramp Rusiya prezidenti Vladimir Putinin Çinə səfərini şərh edərək, Moskva ilə Pekin arasında əlaqələrin gücləndirilməsinin ABŞ üçün təhlükə yaratdığını qeyd edib.  

Bu barədə Fox News xəbər verir.

 

Portalın məlumatına görə, eks-prezident ABŞ-a qarşı müasir təhdidlərin, o cümlədən inflyasiya və iqtisadi problemlərin adını çəkib, lakin Trampın fikrincə, Putin və Çin prezidenti Si Cinpin arasında aparılan danışıqlar “bəlkə də hər şeydən pisdir” nəticəsinə gəlir.

 

Sabiq dövlət başçısı vurğulayıb ki, Rusiya və Çin əməkdaşlığını gücləndirir və bu, ABŞ üçün təhlükə yaradır.

 

Bundan əvvəl amerikalı iş adamı İlon Mask da Putinlə Si Cinpin görüşünə reaksiya verərək, ABŞ-ın özünün Rusiya və Çini ittifaq yaratmağa sövq etməsi fikrini bildirib.

 

Mənbə: Lenta.ru

Tərcümə etdi: Banuçiçək Kalbalıyeva