İstanbul Hava Limanı Avropada liderliyini davam etdirir
![](/sekil.php?w=450&h=0&zc=1&src=/upload//202407/9218810_5.jpg)
Tarix: 23:29 25.07.2024
Nəqliyyat və İnfrastruktur Naziri Abdulkadir Uraloğlu İstanbul Hava Limanının gündə orta hesabla 1485 uçuşla Avropanın ən işlək hava limanı statusunu qoruduğunu bildirib.Uraloğlu yazılı açıqlamasında Avropa Hava Naviqasiya Təhlükəsizliyi Təşkilatının (EUROCONTROL) Avropa Aviasiya İcmal Hesabatını dəyərləndirib.Hesabatda yer alan hava trafiki statistikasına toxunan Uraloğlu bu məlumatları paylaşıb:
“Ölkəmiz 15-21 iyul tarixləri arasında hava limanlarından gündə orta hesabla 3 min 959 uçuşla Avropanın ən çox trafikə malik ölkələri arasında 6-cı yerdə qərarlaşıb. İstanbul Hava Limanı Paris Charles de Gauelle və Amsterdam hava limanlarını geridə qoyaraq gündə orta hesabla 1485 uçuşla Avropanın ən işlək hava limanı statusunu qoruyub. Hesabata daxil edilən 25 qlobal hava limanı arasında 15-21 iyul tarixləri arasında gündəlik orta hesabla 745 uçuş həyata keçirən İstanbul Hava Limanı dünya miqyasında 7-ci yerdə qərarlaşıb. Bizim İstanbul Hava Limanı Avropanı dünya reytinqində birinci yerdə təmsil edən hava limanıdır”.– “Türkiyə hava məkanı Avropanın ən səmərəli hava məkanlarından biridir”.
Antalya Hava Limanının gündə orta hesabla 1036 uçuşla Avropanın ən işlək hava limanları arasında 8-ci olduğuna diqqət çəkən Uraloğlu, Palma de Mallorca və Roma Fiumicino hava limanlarının qarşısında yerini qoruduğunu söylədi:
“Bu müddət ərzində EUROCONTROL hava məkanında hər uçuş üçün orta hesabla 7,5 dəqiqə gecikmə olub, EUROCONTROL üzvləri arasında isə orta hesabla 1 dəqiqədən çox gecikmə olub. Budapeşt Ukrayna hava məkanının yaratdığı məhdudiyyətlər səbəbindən orta hesabla 9,4 dəqiqə gecikmə ilə ən çox gecikmə olan hava məkanı olub. “Bu müddət ərzində Türkiyə hava məkanı hər uçuş üçün 0,5 dəqiqədən az gecikmə ilə Avropanın ən səmərəli hava məkanlarından birinə çevrilib”.
Nərgiz Orucova
Mənbə: türkhaber