İngilislər açıqladı: Fənərbaxçanın Antoni üçün şansları çox yüksəkdir!

Bölmə: İdman › ,
Tarix: 10:26 11.09.2024

Joze Mourinyonun çalışdırdığı "Fənərbağça"nın "Mançester Yunayted"də çıxış edən Antonini transfer etmək istədiyi iddia edilib.

Joze Mourinyonun gedişi ilə Türkiyə və dünya mətbuatına damğasını vuran “Fənərbaxça” üçün daha bir böyük iddia ortaya atılıb.
İngiltərənin “The Sun” nəşrində yer alan xəbərə görə, “Fənərbaxça” “Mançester Yunayted”də çıxış edən Antonini icarəyə götürmək istəyir.

Antoni ilə maraqlanan tək komanda Fənərbaxça deyil. Yenə də “The Sun”un məlumatına görə, Antoninin keçmiş komandası “Ayaks” 24 yaşlı futbolçunu yenidən komandasında görmək istəyir. Braziliyalı futbolçu ilə Fransa, Səudiyyə Ərəbistanı və İspaniya klublarının da maraqlandığı qeyd edilib.

Antoni ilə maraqlanan digər klubların ölkələrində yay transfer pəncərəsi başa çatıb. Türkiyədə yay transfer pəncərəsinin hələ də açıq olması “Fənərbaxça”nın bu transferdə şansını artırır.

30 avqust 2022-ci ildə 95 milyon avro qarşılığında "Ayaks"dan "Mançester Yunayted"ə transfer olunan Antoni İngiltərə komandasında gözləntilərdən xeyli aşağı düşdü. Baş məşqçi Erik Ten Haqın 83 matçda şans verdiyi 24 yaşlı futbolçu komandasına 11 qol, 5 məhsuldar ötürmə verib.

Mənbə: Hüriyyet
Fatimə Abdulrəhimli