WSJ: Elon Musk müntəzəm olaraq Rusiya prezidenti Putinlə gizli əlaqə saxlayır

Bölmə: Dünya › ,
Tarix: 22:27 25.10.2024

"Wall Street Journal"a danışan mənbələr SpaceX, Tesla və X platformasının sahibi İlon Maskın Rusiya prezidenti Putinlə müntəzəm “gizli” əlaqə saxladığını iddia edib. Mənbələr iddia edib ki, Mask və Putin bir çox mövzuda, o cümlədən geosiyasət, biznes və şəxsi məsələlərdə fikir mübadiləsi aparıblar.

 

Amerikanın Wall Street Journal (WSJ) qəzeti amerikalı milyarder İlon Maskın Rusiya prezidenti Vladimir Putinlə müntəzəm olaraq “gizli” əlaqə saxladığını iddia edib.

Musk və Putinin "gizli" görüşləri ilə bağlı məlumatı olan şəxslər mövzu ilə bağlı WSJ-yə açıqlamalar verib.

Mənbələr iddia edib ki, Mask və Putin bir çox mövzuda, o cümlədən geosiyasət, biznes və şəxsi məsələlərdə fikir mübadiləsi aparıblar.

Vaşinqton administrasiyasının Maskın texnologiyalarından həddən artıq asılı olduğunu bildirən mənbələr hökumətin bu mənada “dilemma” içində olduğunu bildirib.

 

Mənbələr qeyd ediblər ki, hökumət Musk-Putin təmaslarını “bəyənmir”, lakin administrasiya Maska onların səbəb ola biləcəyi mümkün təhlükəsizlik pozuntuları ilə bağlı heç bir xəbərdarlıq etməyib.

Mask uzun müddətdir Putinlə görüşmədiyini bildirsə də, mənbələr ikisinin əlaqə saxladığını iddia edib.

Mənbələr bildirib ki, Rusiya administrasiyası Muskdan 2023-cü ilin sonunda Tayvanda SpaceX-in Starlink peyk internet sistemini aktivləşdirməməyi tələb edib. 

 

Xəbərə görə, hazırkı administrasiyadan bəzi rəsmilər bu təmasların təhlükəsizlik narahatlığı yaratması fikrini bölüşür, çünki Maskın ABŞ-la bağlı “məxfi məlumatlara” da çıxışı var.

Elon Musk, Putinlə kosmosla bağlı yalnız bir dəfə görüşdüyünü və bunun 2021-ci ilin aprelində baş verdiyini açıqladı.

 

Mənbə:HABERTÜRK

Elnurə Kərimova