Cənubi Vəziristan bölgəsində təhlükəsizlik qüvvələrini daşıyan avtomobil yol kənarına qoyulmuş bomba nəticəsində partlayıb

Bölmə: Dünya › ,
Tarix: 16:11 07.11.2024

Partlayış nəticəsində 4 polis məmuru həyatını itirib, 5 polis əməkdaşı yaralanıb.

 

Hələlik heç kim hücuma görə məsuliyyəti üzərinə götürməyib.

 

Bundan əlavə, TTP-nin Hayber Paxtunxva əyalətindəki Tirah vadisi yaxınlığında atdığı minaatan yolun kənarına düşüb.

 

Hücum zamanı məktəbə piyada gedən iki uşaq həyatını itirib.

 

Oktyabrın 25-də ölkənin şimal-qərbində və şimal-şərqində TTP yaraqlıları ilə toqquşmalarda 1 polis və 10 əsgərin həyatını itirdiyi, 19 yaraqlının öldürüldüyü bildirilib.

 

Pakistanın terror problemi

 

Pakistanda hücumlar xüsusilə Əfqanıstanla həmsərhəd olan Hayber Paxtunxva və Bəlucistan əyalətlərində cəmləşib. Hər iki əyalətdə puştun və bəluc etnik qruplarının hüquqlarını müdafiə etdiklərini iddia edən silahlı qruplar Pakistan təhlükəsizlik qüvvələrinə və mülki şəxslərə hücum edir.

 

Bəlucistanda Bəlucistan Azadlıq Ordusunun (BLA) hücumları nəzərə çarpır. BLA, Bəlucistan əyalətinin Pakistandan ayrılmasını və bu bölgəyə Bəluc xalqının hakim olmasını istəyir.

 

Bəlucistan Pakistanın təbii sərvətlərlə zəngin əyalətidir, lakin region ölkənin qalan hissəsindən daha az inkişaf edib.

 

Zaman-zaman BLA xüsusilə təhlükəsizlik qüvvələrinə, Bəlucistana işləməyə gələn mülki şəxslərə və orada iş görən şirkətlərə hücum edir. Pakistan Münaqişə və Təhlükəsizlik Araşdırmaları İnstitutunun məlumatına görə, ötən il Bəlucistanda yaraqlılar azı 170 hücum həyata keçirib, nəticədə 151 mülki şəxs və 114 təhlükəsizlik işçisi həlak olub.

 

Pakistanda 2 ayrı terror aktı nəticəsində 4 polis əməkdaşı və 2 uşaq həyatını itirib.

Pakistanın şimal-qərbində törədilən iki ayrı terror aktında 4 polis və 2 uşaq ölüb, 5 polis əməkdaşı yaralanıb.

 

Mənbə: Trt haber 

Fidan Fərhadlı