Bayden ilə Tramp Ağ Evdə görüşəcəklər

Bölmə: Dünya › ,
Tarix: 21:13 11.11.2024

ABŞ- ın hazırkı lideri Co Bayden Ağ Evdəki görüşdə ABŞ- ın yeni seçilən prezidenti Donald Trampdan Ukraynaya hərbi yardımı davam etdirməyi xahiş edəcək.
"İnformator.az" xəbər verir ki, bu barədə “The Guardian” mənbələrə istinadən məlumat yayıb.

“Bayden Trampı hakimiyyətin keçidinin təfərrüatlarını müzakirə etmək üçün çərşənbə günü, noyabrın 13- də Oval kabinetdə görüşə dəvət edib. Onun respublikaçı ilə ABŞ- ın niyə Ukraynadan əl çəkməməli və onu maliyyələşdirməyə davam etməli olduğunu müzakirə edəcəyi gözlənilir”, - nəşr yazır.

Bundan əvvəl “Huffington Post” (HuffPost) Nümayəndələr Palatasının spikeri Mayk Consona istinadən xəbər verib ki, ABŞ Konqresinin hər iki palatasına daha əvvəl seçkilərdə qalib gələn respublikaçılar tezliklə Ukraynaya yardımla bağlı qərarlar qəbul etməyəcəklər və yardım paketlərini nəzərdən keçirməyəcəklər.

Banuçiçək Kalbalıyeva