Rusiya Trampın Putinlə Ukrayna ilə bağlı danışığını inkar etdi

Bölmə: Dünya › ,
Tarix: 23:29 11.11.2024

Kreml, Donald Trampın Rusiya prezidenti Vladimir Putinlə telefon danışığı apardığı və Ukraynada münaqişənin dərinləşməsinə qarşı xəbərdarlıq etdiyi barədə xəbərləri təkzib edib. Kremlin sözçüsü Dmitri Peskov bu məlumatları "uydurma" adlandırıb və hər hansı danışığın olmadığını bildirib.

 

Trampın komandası isə "şəxsi zənglər" barədə şərh verməyəcəklərini bildirib. Tramp, Ukraynadakı üç illik münaqişəni sona çatdıracağına söz versə də, hələlik dəqiq plan təqdim etməyib.

 

Zelenski ABŞ-ın dəstəyi olmadan Ukraynanın məğlub olacağını bildirərək daha güclü qlobal dəstək və silah tələb edib. Bu arada, Avropa liderləri Putinin ABŞ-da keçid dövründən yararlanacağına dair xəbərdarlıq edib.

 

Son günlərdə Rusiya və Ukrayna arasında pilotsuz uçuş aparatları ilə hücumlar artıb. Rusiyanın müxtəlif bölgələrində və Ukraynanın ərazilərində hər iki tərəf ziyan çəkib.

 

Mənbə:BBC NEWS

Elnurə Kərimova