Suriyanın paytaxtı Dəməşqə hava hücumu

Bölmə: Dünya › ,
Tarix: 20:38 14.11.2024

İsrailin Suriyanın paytaxtı Dəməşqə hava hücumu təşkil etdiyi bildirilib.

 

Yerli mənbələrdən əldə edilən məlumata görə, İsrail paytaxt Dəməşqin Mezze və Qadsaya məhəllələrində mülki yaşayış məntəqələrinə hava hücumu həyata keçirib. Hava hücumlarında iki bina hədəfə alınıb.

 

İsrail ordusu yazılı açıqlamada hücumun məsuliyyətini üzərinə götürüb.

 

Hücumda İslami Cihad Hərəkatının Dəməşqdəki "komanda mərkəzi və bəzi infrastruktur obyektlərinin" hədəf alındığı iddia edilib.

Noyabrın 11-də Humusun cənubundakı Şinşar kəndinə hava hücumu təşkil edən İsrail 2011-ci ildə vətəndaş müharibəsi başlayandan bəri Suriyada İranın dəstəklədiyi qruplara və Suriya ordusuna aid hərbi məntəqələrə vaxtaşırı hücumlar təşkil edir.

 

Mənbə:HABERTÜRK

Elnurə Kərimova