Pentagonda dəyişiklik planı: "Tramp qara siyahı hazırlayır"

Bölmə: Dünya › ,
Tarix: 12:24 15.11.2024

ABŞ-da seçkilərin qalibi olan Donald Tramp yeni administrasiyasını qurmağa başlayıb. Mənbələrin verdiyi məlumata görə, Trampın komandası Pentagonda vəzifədən uzaqlaşdırılacaq şəxslərin siyahısını hazırlayır. Siyahıda yüksək rütbəli generalların da yer alması diqqət çəkir.

 

Plana görə, Pentagonda genişmiqyaslı dəyişikliklər gözlənilir. Mənbələr bildirir ki, Trampın ikinci dönəmində bu proses sürətlənə bilər. Ancaq planların hələ ilkin mərhələdə olduğu və dəyişə biləcəyi vurğulanır.

 

Yeni administrasiyanın diqqət mərkəzində, Trampın keçmiş Baş Qərargah rəisi Mark Milley ilə əlaqəli hərbçilərin olacağı iddia edilir. ABŞ Baş Qərargah Rəisləri ordunun müxtəlif qoşun növlərinə rəhbərlik edən ən yüksək rütbəli zabitlərdir.

 

Mənbə: NTV HABER

Elnurə Kərimova