Azərbaycan elektrik enerjisi istehsalını azaldıb

Bölmə: İqtisadiyyat › ,
Tarix: 12:00 03.03.2016

Bu ilin yanvar-fevral ayları ərzində Azərbaycanın enerji sistemində 4 mlrd. kVt/saata yaxın elektrik enerjisi istehsal edilib. 

"Azərenerji" ASC-nin mətbuat xidmətindən İnformator.az-a verilən məlumata görə, bu göstərici ötən ilin iki ayından 4,8% azdır.

Cari ilin iki ayı ərzində istehsal olunan elektrik enerjisinin 1,9 mlrd. kVt/saatdan çoxu fevral ayının payına düşüb.

Qeyd olunub ki, ay ərzində ölkə enerji sisteminin əlaqəsi olan qonşu dövlətlərlə elektrik enerjisi mübadiləsi davam etdirilib.