Venesuela ordusu hava məkanına daxil olan təyyarəni vurdu

Bölmə: Siyasət › ,
Tarix: 22:31 22.06.2023

Venesuela hava məkanına daxil olan təyyarəni vurub. Bununla da, il ərzində vurulan təyyarələrin sayı 34-ə çatıb.

 

İnformator.az xarici mediaya istinadən xəbər verir ki, Meksikanın cənubundakı Kozumel şəhərindən Hollandiyanın ada ölkəsi Kurasaoya getmək üçün Venesuela sahillərində havaya qalxan təyyarə Milli Silahlı Qüvvələri tərəfindən "düşmən" kimi qeyd edildikdən sonra havada vurulub.

 

Venesuela Bolivar Milli Silahlı Qüvvələrinin komandiri General Domingo Larez Hernandez təyyarənin Venesuela hava məkanına girdikdən sonra radarda itdiyini, aşkarlanmamaq üçün yer ötürücüsünü və radiosunu söndürdüyünü, qaçaqmalçıların eniş etdiyi Kolumbiya sərhədindəki düzənliyə doğru hərəkət etdikdən sonra vurulduğunu bildirib.

 

General Hernandez təyyarənin narkotik və silah qaçaqmalçılarına aid olduğuna dair dəlillər tapdıqlarını, vurulan təyyarədə neçə nəfərin olduğu, ölən və yaralananların sayı ilə bağlı məlumat paylaşmadıqlarını da bildirib.

 

Aydan