Azərbaycan mərhələli şəkildə bütün məqsədlərinə nail olacaq-deputat Ceyhun Məmmədov

Bölmə: Siyasət › ,
Tarix: 21:54 17.10.2023

Bildiyimiz kimi, Prezident İlham Əliyev oktaybrın 15-də Xankəndiyə səfər edib. Azərbaycan Respublikasının Dövlət bayrağı Xankəndidə dalğalanıb. Azərbaycan öz məqsədlərinə bir-bir çatır. Bəs, sıradakı hədəflər nədir? Azərbaycan hansı addımları atacaq?

 

"Bu gün Azərbaycanın əsas hədəfləri qələbəni daha da möhkəmləndirmək, gücləndirməkdir".

 

Bu sözləri Millət vəkili Ceyhun Məmmədov informator.az-saytına açıqlamasında qeyd edib.

 

Deputat deyir ki, Prezident İlham Əliyevin işğaldan azad olunmuş ərazilərə səfəri, terrorçuların Ağdərədə həbs edilməsi onu göstərir ki, Azərbaycan mərhələli şəkildə bütün məqsədlərinə nail olacaq.

 

“Qarşıda Zəngəzur dəhlizinin açılması, Azərbaycanın qələbəsinin tanıdılması və gücləndirilməsi istiqamətində addımların atılması kimi mühüm, görüləsi işlər var. Azərbaycan bu addımları atır, gələcəkdə də atmağa davam edəcək. Biz bütün məqsədlərimizə nail olacağıq".

 

Nəzrin Mirzəyeva