Avropa İttifaqından Fələstinə dəstək

Bölmə: Dünya › ,
Tarix: 21:40 14.04.2025

Avropa İttifaqı (Aİ) Komissiyası, Fələstin idarəsinə 2025-2027 illəri arasında təxminən 1,6 milyard avro dəyərində maliyyə yardımı verəcəyini açıqlayıb. Yardım paketi, Fələstin xalqının bərpası və davamlılığının artırılmasını hədəfləyir və əsasən sivil xidmətlər, Qərbi Şəriyə və Qəzzə bölgələrində bərpa və sabitlik prosesi, həmçinin xüsusi sektora dəstək vermək məqsədini güdür.

 

Bu paket çərçivəsində Fələstin idarəsinin büdcəsinə təxminən 620 milyon avro məbləğində birbaşa yardım veriləcək və bu, təcili ehtiyacların qarşılanmasına və xidmətlərin davam etdirilməsinə kömək edəcək. Bundan əlavə, Qərbi Şəriyə, Şərqi Kudüs və Qəzzədə iqtisadi bərpa təşviq etmək üçün sahə layihələrinə təxminən 576 milyon avro ayrılacaq, su, enerji və infrastruktur layihələrinə prioritet veriləcək. Birləşmiş Millətlər (BMT) Fələstinli qaçqınların ehtiyaclarını qarşılamaq məqsədilə hər il 82 milyon avro ayrılacaq. Fələstin iqtisadiyyatının canlanması üçün Avropa İnvestisiya Bankı (AİB) 400 milyon avroya qədər kredit dəstəyi verəcək. Bundan əlavə, Fələstin idarəsinin həyata keçirəcəyi islahatların "şəffaf" şəkildə izlənməsi və Qəzzənin bərpası üçün beynəlxalq səylərin əlaqələndirilməsi məqsədilə "Fələstin Bağış Platforması" adlı bir təşəbbüs başlatılacaq. Aİ Xarici İşlər və Təhlükəsizlik Siyasəti üzrə Ali Nümayəndəsi Kaja Kallas, bu yardımların Fələstin xalqına daha çox müstəqillik və nəzarət təmin edəcəyini bildirib və Fələstin idarəsinin Qərbi Şəriyə bölgəsindəki vəzifələrini daha yaxşı yerinə yetirmək üçün güclənəcəyini vurğulayıb.

Billurə Quliyeva