27-ci Zoom Mükafatlandırma Mərasimi nə vaxt olacaq?- Tarix AÇIQLANDI

Bölmə: MEDİA › ,
Tarix: 16:18 28.08.2023

“Azərbaycan hər sahədə Türkiyə ilə əməkdaşlıq edir. Artıq zaman medianındır” - İnformator.az-ın növbəti müsahibi Türkiyə Xəbər Operatorları Assosiasiyanın Azərbaycandakı təmsilçisi İsgəndər Qəmbərov bu il keçiriləcək Zoom mükafatları haqqında danışıb.

“Media əməkdaşlıqlarımızın sayını artırmalıyıq. Bilgilərimizi, təcrübələrimizi bir-birimizlə bölüşməliyik. Ona görə də müsabiqənin Bakıda keçirilməsi əhəmiyyətlidir” deyən İsgəndər Qəmbərovun sözlərinə görə, bu il artıq 27-ci Zoom Mükafatlandırma Mərasimi baş tutacaq. “Sentyabrın 8-də 19:00-da Bakıda Xəzər TV-də jüri toplantısı olacaq. Türkiyədən gələn jüri heyəti ilə Bakıdan toplanmış jüri heyəti birgə müsabiqəyə göndərilmiş videomaterialları kateqoriyalara görə çeşidləyəcək. Hansı materiallar daha yaxşıdır, ortadır, zəifdir – bunlar məlum olacaq”.

Oktyabrda isə təntənəli şəkildə Zoom Müsabiqəsinin keçirilməsi nəzərdə tutulur. Qeyd edək ki, beynəlxalq dərəcə alan müsabiqə əvvəl tək Türkiyə mediası üçün nəzərdə tutulsa da, artıq beynəlxalq əhəmiyyət daşıyır. Dünyanın istənilən yerindən müsabiqəyə görünütülər göndərmək mümkündür. “Bu müsabiqə əvvəllər yalnız xəbər operatorları üçün idisə, indi artıq Xəbər Operatorları Assosiasıyasınının müsabiqəsinə tək operatorlar deyil, müxbirlər, montajçılar, rejissorlar da görüntü təqdim edə bilərlər”. İsgəndər Qəmbərovun sözlərinə görə, müsabiqədə bir çox nominasiyalar mövcuddur. Yalnız 1 nominasiya - ilin Ən Yaxşı Nominasiyasına yeni videomaterial göndərilməlidir, digər kateqoriyalarda olanlar köhnə görüntülər də ola bilər. İlin Ən Yaxşı Xəbər Süjeti də 2023-cü ilə aid olmalıdır. Müsabiqəyə videomaterialların göndərilməsi avqustun 15-i başa çatıb.

“Bu müsabiqəbinin ənənələrindən biri də odur ki, tanınmış bir dövlət adamını müsabiqəyə qonaq kimi çağırırlar və onun çiyninə kamera qoyurlar. Həmin görüntünü də zaldakı monitorlara ötürürlər. Artıq bir çox siyasətçinin çiyninə kamera qoyulub, o cümlədən Türkiyə prezidenti Rəcəb Tayyib Ərdoğanın da.

Onu da qeyd edək ki, müsahibimiz müsabiqədə 2 dəfə mükafat qazanıb.