Fransızların əlində olsa, bütün azərbaycanlıları qovarlar-Zahid Oruc

Bölmə: Siyasət › ,
Tarix: 23:49 06.12.2023

AZƏRTAC Dövlət İnformasiya Agentliyinin əməkdaşının Fransada peşəkar fəaliyyətinə qadağa qoyulması və ölkədən çıxarılması ilə bağlı Azərbaycan Respublikasının Medianın İnkişafı Agentliyinin bəyanatı

 
AZƏRTAC-ın Yeni Kaledoniyaya ezam edilmiş əməkdaşı Aygün Həsənovanın bu ölkənin rəsmi dairələri tərəfindən jurnalist kimi peşəkar fəaliyyətini yerinə yetirməsinə qanuni əsas göstərmədən maneçilik törədilməsini və polis bölməsində saxlanılaraq “arzuolunmaz şəxs” qismində ölkədən çıxarılmasını jurnalistin informasiya əldə etmək hüququnun məhdudlaşdırılması kimi qiymətləndirir və qınayırıq.

 
Jurnalistin məhz Azərbaycandan gəldiyini əsas götürərək peşəkar fəaliyyətinə müdaxilə edilməsi və polis nəzarəti altında saxlanılaraq təyyarəyə minənədək müşahidə altında olması hadisənin siyasi sifariş olduğunu deməyə əsas verir.

Bu, Fransada müxtəlif tədbirləri işıqlandıran jurnalistlərin, o cümlədən Azərbaycan media təmsilçilərinin peşəkar fəaliyyətinə maneçilik törədilməsi, onların informasiya əldə etmək hüququnun kobud, qeyri-qanuni üsullarla qarşısının alınmasına yönəlmiş növbəti addımdır.  

Biz dünyada ifadə azadlığının vəziyyətini qiymətləndirmək kimi kifayət qədər geniş və ciddi missiyanı öz üzərinə götürmüş beynəlxaq təşkilatların, jurnalistlərin hüquqlarının qorunması sahəsində ixtisaslaşmış QHT-lərin məsələyə münasibət bildirməsini tələb edirik.

Millət vəkili Zahid Oruc sözügedən məsələyə münasibət bildirib:

"Azərbaycan Fransaya hücum etməyib, Marseli almayıb. Bəs, onlar Azərbaycandan nə istəyir?"

 

Deputat açıqlamasında əlavə edib ki, Ermənistan özgə beyinlə yaşayır, öz beyni ilə yox.

 

"Fransızlar AZƏRTAC-ın müxbirini oradan qovub, əmin edirəm ki, əllərində olsa, bütün azərbaycanlıları qovarlar".

 

Nəzrin Mirzəyeva