2023-cü ildə 94 jurnalist öldürülüb

Bölmə: Siyasət › ,
Tarix: 16:09 08.12.2023

2023-cü ildə dünyada 94 jurnalist öldürülüb.

 

İnformator.az xəbər verir ki, bu barədə Beynəlxalq Jurnalistlər Federasiyasının (IFJ) hesabatında deyilir.

 

Ötən ilin müvafiq dövrü ilə müqayisədə zərərçəkənlərin sayı 67% artıb. Bu, əsasən, İsrailin ABŞ və Avropa İttifaqında terrorçu kimi tanınan HƏMAS qruplaşmasına qarşı müharibəsi ilə bağlıdır.

 

68 jurnalist münaqişəni işıqlandırarkən həlak olub. IFJ-nin məlumatına görə, bu savaş 1990-cı ildən bəri jurnalistlər üçün ən ölümcül münaqişə ocağına çevrilib.

 

Ukrayna ərazilərində isə Ukrayna, Rusiya və Fransadan olan 3 jurnalist həlak olub.

 

Bundan əlavə, bir çox ölkələrdə: Rusiya, Belarus, Çin, İran və digər ölkələrdə media nümayəndələrinə qarşı repressiyaların sayı 393-ə çatıb.

 

Həcər Əmiraslanlı