İnformator.az xəbər verir ki, iddialara görə, indi bir telefondakı söhbətlərə eyni vaxtda ikinci telefonda baxmaq olacaq.

Funksiya "WhatsApp” 2.23.8.2 və ya daha sonrakı versiyaları olan bütün Android beta versiyaları üçün əlçatandır.

 

"WhatsApp”ın istifadəçilərə təqdim etməyə hazırlaşdığı bu yenilik çoxlu cihaz dəstəyinin genişləndirilməsinini nəticəsidir.

 

Beləliklə, istifadəçilər asanlıqla söhbətə daxil olmaq üçün "WhatsApp” hesablarını başqa telefonla əlaqələndirmə imkanı əldə edəcəklər. Bir digər önəmli məqam ondan ibarətdir ki, bu xüsusiyyət əsas cihazın aktiv internet bağlantısı olmasa belə istifadə edilə bilər.

 

Qeyd edək ki, bu funksiyanı istifadə etmək üçün istifadəçilər ikinci Android telefonlarına "WhatsApp” Messenger və ya Business proqramının beta versiyalarını endirməlidirlər.

 

 

Mikayıl Mirzəzadə