"Samsung"-da "Google" bu sistemlə əvəzlənə bilər
Bölmə: MEDİA ›
,
Tarix: 13:53 18.04.2023
"Samsung"un cihazlarına "Google Search" əvəzinə axtarış sistemi olaraq "Microsoft Bing" əlavə edilcəyi iddia edilir.
İnformator.az xarici mediaya istinadən xəbər verir ki, "ChatGPT"nin ortaya çıxması ilə geriləmə yaşayan "Google" yenidən çöküb.
Bu iddialara rəğmən, Samsung-un Google-dan ayrılacağı ehtimalı olmadığı görünür.
Samsung ən azı ABŞ kimi bazarlarda telefonlarda standart axtarış sistemi olaraq Google-u Microsoft-un Bing ilə əvəz edə bilməz.
"Google Mobile App Distribution Agreement" (MADA) bütün Android cihazlarının "Google" axtarışını əvvəlcədən quraşdırmasını və onu defolt olaraq istifadə etməyi tələb edir.
Bütün istehsalçılar, o cümlədən Samsung, Android, Google Play Store və digər Google proqramlarını telefonlarına yerləşdirmək istəyirlərsə, müqavilə imzalamalıdırlar. Bu müqaviləyə əsasən, "Google" axtarış defolt olaraq təyin edilməlidir.
Digər tərəfdən, Avropa və Hindistan kimi bölgələrin MADA-nın öz versiyaları var. Burada Bing, AI məharəti sayəsində təhlükəyə çevrildiyi üçün Google üçün baş ağrısı ola bilər.
Məsələn, Avropada Android telefonları satan şirkətlər artıq Google Axtarış və Chrome-u lazımi Google proqramlar paketindən çıxarıb.
Hindistanda da oxşar vəziyyət var. Bu ölkədə yalnız Google Play Store tətbiqinin əvvəlcədən quraşdırılmasına icazə verilir.
Nəticədə ABŞ-da Google üçün heç bir təhlükə yoxdur. Lakin Avropa ölkələri və Hindistan kimi yerlərdə Google axtarış tarixə qovuşa bilər.
Xumar
