Süni intellekt düşüncələri oxuya biləcək

Bölmə: MEDİA › ,
Tarix: 18:00 02.05.2023

Artıq süni intellekt insanlar nəyisə dinləyəndə və ya deməyi düşünəndə onların beyinlərini skan edib fikirlərini mətnə çevirə biləcək.

 

İnformator.az Euronews-a istinadən xəbər verir ki, son aylarda süni intellekt insan kimi yazmaq, heyrətamiz şəkillər və videolar çəkmək, hətta musiqi sahəsini silkələyən mahnılar hazırlamaq qabiliyyəti ilə milyonlarla insanı həm qorxudur, həm də ruhlandırır.

 

İndi isə tədqiqatçılar mühüm nəticələrə səbəb ola biləcək başqa bir potensiallı tətbiqi - zehni oxuya bilən süni intellekti aşkar ediblər. Onlar insanın beyin fəaliyyətini davamlı mətnə çevirə bilən yeni süni intellekt sistemi üzərində işləyirlər.

 

Ostindəki Teksas Universitetinin araşdırmalarına görə, süni intellekt yaxın gələcəkdə zehni qüsur problemi olan insanlara, məsələn, ağır insult keçirənlərə kömək edə bilər.

 

Tədqiqatçılar kompüter elmləri üzrə doktorant, aparıcı müəllif Cerri Tang ilə bu cür texnologiyanın istifadəsi zamanı yarana biləcək problemlərə toxunublar: “Biz onun pis məqsədlər üçün istifadə oluna biləcəyi ilə bağlı narahatlıqları çox ciddi qəbul edir və bunun qarşısını almaq üçün çalışırıq.”

 

Gülay