İnformator.az xarici mətbuata istinadən xəbər verir ki, "Google" şirkəti "Google I/O" adlı illik developer tədbirində süni intellekt sahəsində gördüyü işləri açıqlayıb.

 

Tədbirdə süni intellekt üçün yeni PaLM 2 əsas dil modeli, Gmail üçün yeni süni intellekt yazı alətləri, Pixel 7a Android telefonu, Pixel Planşet və 1799 dollarlıq Pixel Fold qatlanan telefon kimi yeni məhsul və xidmətləri, eyni zamanda süni intellekt chatbot "Bard Added" xüsusiyyətləri də təqdim edilib.

 

Şirkətdən verilən açıqlamada ChatGPT-nin rəqib süni intellekt chatbotu Bard-ın istifadəyə verilməsindən təxminən 2 ay keçdiyi deyilib. İlk olaraq təqdim edilən süni intellekt xidməti üçün çoxlu rəylərin alındığı ifadə edilib.

 

Açıqlamada Bardın 180-dən çox ölkə və bölgədə genişləndiyi, süni intellekt xidmətinin indi yapon və koreya dillərini dəstəklədiyi, tezliklə 40 dilə dəstək olmaq yolunda olduğu bildirilib.