Gmail-də yeni dövr: Süni intellekt artıq e-poçtlarınızı yaza biləcək
.png)
Bölmə: MEDİA ›
,
Tarix: 22:32 11.05.2023
Google e-poçt və mesajlarınızı avtomatlaşdırmağı vəd edən Help Me Write adlı yeni süni intellekt xüsusiyyətlərini təqdim edib.
İNFORMATOR.AZ TRT Haber-ə istinadən xəbər verir ki, çərşənbə günü Google-un tədbirində CEO Sundar Pichai e-poçtların bəzilərinin yaradılmasını avtomatlaşdıracaq yeni funksiyanı elan edib.
Yeni Google xidməti olan "Help Me Write" sizin üçün Gmail, mətn mesajları və digər Google tətbiqlərində avtomatlaşdırılmış mesajlar hazırlayacaq.
Qyed edək ki, sözügedən proqram mart ayından Google Sənədlər və Gmail testçiləri tərəfindən istifadə olunur. Oxşar Google testçiləri qrupu iyun ayında Google Sheets və Google Slides üçün süni intellekt köməkçilərindən istifadə etməyə başlayacaq.
Pichai "Help Me Write" proqramının Google Workspace yeniləməsi ilə yaxın zamanda rəsmi olaraq Google istifadəçiləri üçün əlçatan olacağını söyləyib. Lakin bununla bağlı dəqiq tarixi bildirməyib.
