İPHONE 15 istifadəçiləri xəyal qırıqlığına uğrada bilər

Bölmə: MEDİA › ,
Tarix: 19:51 12.05.2023

“Apple”-ın gələn ilin sentyabrında təqdim edəcəyi iPhone 15 və iPhone 15 Plus-ın performans baxımından keçən il buraxılmış iPhone 14 Pro modelləri ilə oxşar olacağı gözlənilir.

 

İnformator.az CNN-ə istinadən xəbər verir ki, hər il olduğu kimi, bu il də smartfon dünyasının gözləri yeni iPhone modelinə dikilib. Bu smartfon modeli ilə bağlı demək olar ki, hər gün yeni iddialar səslənsə də, son iddialar iPhone 15-in təqdimatını gözləyənləri narahat edə bilər.

 

Bu günə qədər sızan məlumatlarda Apple-ın yeni smartfonunda A17 Bionic prosessorundan istifadə edəcəyi anlaşılıb. Ancaq bu gün bir çox xəbər səhifələrində Apple-ın bu plandan imtina etdiyi və bunun əvəzinə iPhone 14-də istifadə edilən A16 Bionic prosessorun mövcud olacağı iddia edilib.

 

Bu, o deməkdir ki, iPhone 15-də iPhone 14 Pro ilə müqayisədə əhəmiyyətli bir performans və ya səmərəlilik artımı olmayacaq. Amma hələlik bunun sadəcə bir iddia olması və Apple tərəfindən heç bir açıqlama verilməməsi iPhone 15-i gözləyənlərin ümidli edir.

 

Nahid