İnformator.az xarici mediaya istinadən xəbər verir ki, Tvitter-in yeni baş direktoru Linda Yaccarino 6 həftə sonra vəzifəsinin icrasına başlayacaq.

 

Maskın daha əvvəl elan etdiyi "Twitter 2.0" layihəsinin tətbiqinə həyat verəcək Yaccarino bu vəzifəni alacağı açıqlandıqdan sonra ilk tvitini edib.

 

"Twitter 2.0-ı birgə yaratdığım üçün həyəcanlıyam. Mən uzun müddətdir ki, Maskın daha parlaq gələcək yaratmaq fikrindən ilham alıram. Mən bu fikri Twitter-ə gətirməyə və bu biznesi birlikdə ortaya qoymaqdan məmnunam", - deyə Yaccarino Twitter-in yeni səhifəsində yazıb.

 

Yeni izləyiciləri haqqında danışan Yaccarino "Hələ İlon Mask qədər məhsuldar deyiləm, amma bu platformanın gələcəyinə sadiqəm" deyib.

 

Qeyd edək ki, Yaccarino bu sahənin ən güclü qadınlarından biri hesab olunur. Onun rəhbərliyi altında NBCUniversal reklam işində mühüm addımlar atmışdı.