Birliyin sədri Mədinə Əliyeva şüarı ”İntelektual inkişaf yolunda birgə addımlayaq” olan birliyin əsas məqsədlərindən danışaraq qeyd edib ki, gənclər arsında informasiya cəmiyyətinin, informasiya və kommunikasiya texnologiyalarından istifadə bacarıqlarının inkişafına yardım etməkdən ibarətdir. Birlik məqsədlərinə çatmaq üçün bir sıra vəzifələri həyata keçirməyi qarşısına məqsəd qoyub. M.Əliyeva vurğulayıb ki, beynəlxalq təcrübədən istifadə etməklə, müxtəlif layihələrlə gənclərimiz zamanın tələblərinə uyğun İKT bacarıqlarına sahiblənməkdə, onların vətəndaş cəmiyyətində fəal iştiraklarına, inkişaflarına, tələbə gənclərə yaxından yardımçı olacalar. YAP Gənclər Birliyinin sədri Seymur Orucov da çıxış edərək yeni yaradılan birliyə uğurlar arzulayıb. Bildirib ki, bu birlik zamanın tələblərinə tam cavab verəcək və öz fəaliyyətləri ilə örnək olacaq birliyə çevriləcək. Digər çıxışçılar da birliyə öz xoş arzularını çatdırıblar. Qeyd edək ki, Birliyin sədri Mədinə Əliyeva “Aztelekom” Istehsalat Birliyinin Gənclər Təşkilatının fəal üzvü və Marketinq və Satış departamentində şöbə rəisidir.
Bölmə: MEDİA ›
,
