Mediagroup.az saytı bugün – aprelin 22-də fəaliyyətə başladı

Bölmə: MEDİA › ,
Tarix: 15:52 22.04.2015

BDU-nun jurnalistika fakültəsinin tələbələri yeni sayt yaradıblar. Mediagroup.az saytı bugün – aprelin 22-də fəaliyyətə başlayıb. Saytın baş redaktoru Azər Ağayevdir. Xəbər portalı gündəlik xəbərlərlə yanaşı video və foto görüntülər, aylıq və rüblük təhlillər təqdim edəcək.Həmçinin oxucular gənc jurnalistlərin hazırladığı verilişlərə, eləcə də apardıqları sorğulara saytın video bölməsindən baxa biləcəklər.

Saytın redaktoru Azər Ağayevin "İnformator"a verdiyi məlumata görə, fəaliyyətə 14 nəfərlə başlayıblar. Məqsədləri dünyada, eləcə də Azərbaycanda baş verən xəbərləri ictimaiyyətə çatdırmaqdır. Tələbə jurnalistlər fəaliyyətə "Çərcivə" layihəsi ilə başlayıblar. Sonradan "Youtube" portalı üzərindən online tv açıblar. Artıq "no comment" səhifəsi ilə uğur qazanmaq niyyətindədirlər.